由記者陳曉蕾小姐主講，探討香港社會老化問題，令人思路大開。
原來香港老人入住 #安老院 比例係全球最高，有6.8%，亞洲地區中，台灣係2%、新加坡是2.3%、日本是3%，但我哋仍然覺得香港安老院宿位唔夠，但實際已經好多。
香港 #老人撫養比率 亦不斷上升，1981年約每10.3個勞動人口撫養1個老人，2011年是2.3，預計2041年是1.8，即每1.8人撫養1位老人，勞動人口嚴重不足，老年便變成致命問題，到時條街可能有3份1係老人家，K房有3份1唱緊<<#華麗過身>>，諗起都令人振奮。
香港醫院唔係一個適合安老嘅地方，但安老院都唔係喎，香港醫療手段會確保你唔容易死，唔會確保你舒服，試想像吓你因為年老或疾病而不能正常生活、進食、呼吸，然後被人以機器維持生命十年或以上，不能動彈直至死亡，係令人幾不寒而慄嘅一件事，但依個就係現實發生緊。
個人認為，無論對自己定親人，生命嘅質素係大於長短，以增加痛苦嘅醫療手段換取毫無尊嚴同質素嘅生命係咪必需呢？
香港集思會年輕長者的就業、經濟及生活狀況調查（主報告）：http://www.ideascentre.hk/…/02/Elderly-Main-Report-Final.pdf
沒有留言:
張貼留言